Како што пренесува „Тајмс“, Манчестер сити одби 83 милиони евра колку што понуди францускиот шампион ПСЖ за Бернардо Силва.

Менаџерот на Сити, Пеп Гвардиола има неизмерна почит кон Португалецот, а во неколку наврати изјави дека е еден од најважните фудбалери на „граѓаните“.

Силва во изминатиот период беше поврзуван со Барселона, дури и јавно изјави дека е подготвен да чека до последниот ден од преодниот рок за понуда од „Камп Ноу“.

Сити му излезе во пресрет, но Барса и покрај големата желба има проблеми со финансиите и со регистрацијата на веќе купените играчи (Жил Кунде сè уште чека на регистрација), па сè поизвесно е дека ќе остане на „Етихад“.

Наводно се подготвува и нов договор според кој би се израмнила неговата плата со онаа на Кевин де Брујне.