Приказните за проектот НБА Европа повторно се актуелни, а последната доаѓа од Англија – Манчестер Јунајтед наводно планира да формира кошаркарски клуб. Според медиумите, Џим Ратклиф веќе дал зелено светло за рестартирање на кошаркарската секција, која постоела кратко од 1985 до 1988 година.

Јунајтед е меѓу европските спортски гиганти што би влегле во кошаркарската авантура, поттикнати пред сè од финансиски интереси. Во контекст на НБА Европа се споменуваат и клубови како ПСЖ, Реал Мадрид, Барселона, Баерн, како и турските Галатасарај, Бешикташ, Фенербахче и изненадувачки Бетис.

Планот предвидува и изградба на нова кошаркарска арена со 15.000 седишта во близина на „Олд Трафорд“.

Преземено од: Sport.com.mk