Мамо, ти благодарам за сета љубов! Ќерката на Џон Траволта се прости од мајка си со зборови кои го кршат срцето
Веста дека актерката Кели Престон, сопругата на Џон Траволта, ја загуби битката со ракот на дојка го шокираше целиот свет. Веста ја потврди и Траволта на својот профил, а сега од својата мајка се прости и нивната ќерка Ела (20)
– Секој кој имаше среќа да те запознае или било кога да биде во твое присуство ќе се согласи дека ти имаше сјај и светло кое никогаш не престануваше да сјае околу тебе. Ти благодарам што беше покрај мене без оглед на се. Ти благодарам на твојата љубов, ти благодарам на помошта и ти благодарам што светот го направи подобро место. Те сакам многу мамо“, напиша Ела на својот Инстаграм профил на кој сподели слика од својата мајка.
Актерскиот пар се венчаше во 1991 година, а покрај ќерката Ела, го имаат и синот Бенџамин (9). Најстариот син Џет им почина во 2009 година.
