Домашните трпези, но и менијата на рестораните во Македонија, не можат да се замислат без грав, а и секој што ќе стапне во нашата земја, заминува воодушевен откако ќе го проба оваа традиционално јадење.

Јадењата со грав низ годините претрпеле и некои варијации. Вкусовите на рецептот што ви го претставуваме денеска, ретко кој ги комбинира, а совршено се согласуваат заедно.

Состојки за 4 лица:

– 250 г грав

– 3 чешниња лук

– 500 г печурки

– 2 моркови со средна големина

– 1 главица кромид (помала)

– 1 корен од целер (помал)

– сол, бибер

– црвен пипер

– 1 чаша просо

– 2-3 лажици доматно пире

– 3 ловорови листови

Подготовка:

Потопете го гравот преку ноќ. Исечканите морков, кромид и целер пропржете ги на малку масло, печурките исечете ги на половини или четвртини и заедно со сечканиот лук додајте ги во зеленчукот. Посолете, побиберете и пропржете само неколку минути на силен оган. Додадете црвен, мелен пипер и измешајте. Додајте грав и ловоров лист, налејте околу литар вода (или по процена), покријте и варете по процена.

На младиот грав нема да му треба повеќе од час и половина. Некаде при крајот на варењето, додајте просо и доматно пире, варете уште 15 минути и поклопете.