Малечката Миа ја нацртала мајка и во изолација, поради еден детаљ цртежот стана вирален (ФОТО)
Цртежот на 5-годишната Миа стана хит на интернет поради начинот на кој таа ја прикажала својата мајка Лаура Аплетон за време на изолацијата.
Миа ја нацртала мајка си со долга коса, со одвоени кики и во виолетово-портокалов фустан со линии. Сепак, цртежот станал вирален поради еден детаљ.
Девојчето ги забележало и влакнестите нозе на нејзината мајка, па на цртежот додала и ситни влакненца на нозете. Лаура фотографијата од цртежот ја објавила во Фејсбук групата „Housebound with Kids“, а објавата собрала повеќе од 3.000 лајкови.
„Мојата ќерка ме нацрта премногу детално за мој вкус“, напишала покрај фотографијата која насмеала многумина.
Набрзо се појавиле и бројни коментари.
„Можело да биде и полошо, можела да ти нацрта влакна и под пазувите“, „Можела да ти нацрта и мустаќи“, „Малата обрнува внимание на деталите“, пишува во коментарите.