По земјотресот во Турција и Сирија на почетокот на февруари, како што пренесуваат од Европската ракометна федерација (ЕХФ), македонската женска репрезентација ќе биде замената за Турција на Европското првенство во ракомет на плажа кое ќе се одржи годинава.

А во машка конкуренција репрезентацијата на Швајцарија ќе ја замени Турција.

Поради разорниот земјотрес, Турција ги повлече своите национални тимови од натпреварувањето, кое ќе се одржи во Назаре, Португалија, од 24 до 28 мај 2023.

Македонските ракометарки ќе играат во групата „Б“ заедно со Холандија, Украина и домаќинот Португалија.

Германија која е актуелен европски шампион се наоѓа во групата „А“ со Данска, Франција и Италија.

Во групата „Ц“ се Унгарија, Грција, Норвешка и Словачка, а во последната група „Д“ ќе играат Шпанија, Полска, Хрватска и Романија.