Македонскиот селектор Лазаров меѓу номинираните за најдобар екс-ју ракометар
Како и секоја година, така и оваа специјализираниот веб портал за ракометни вести ги објави имињата кандидатите за признанието за најдобар екс-ју ракометар во сезоната 2020/2021.
Помеѓу номинираните е и македонскиот репрезентативец и воедно селектор Кирил Лазаров за кого можете да гласате ТУКА
Покрај нашиот десен бек во изборот се наоѓаат уште Марко Безјак, Лука Циндриќ, Блаж Јанц, Домагој Дувњак и Бењамин Буриќ.
Лазаров неодамна играше со францускиот клуб Нант на Фајнал-фор турнирот во Келн во Лигата на шампионите освојувајќи го четвртото место.
Во своето деби како селектор повторно ќе биде дел од големо натпреварување, во овој случај Европското првенство 2022 година.