Македонскиот фудбалер Давид Тошевски на пробен период во Шибеник
Хрватскиот фудбалски клуб Шибеник се подготвува за вториот дел од сезоната, а покрај тренинзите, се темпира и формата преку играње контролни натпревари.
Воедно, клубот е активен на фудбалскиот пазар, според хрватските медиуми, на проба во Шибеник е македонскиот напаѓач Давид Тошевски (22).
Нашиот играч од 2020 година е дел од рускиот Ростов, во меѓувреме беше на позајмица во Тамбов (Русија), Горник Забже (Полска) и Земплин Михаловце (Словачка).
Својата професионална кариера 22-годишниот фудбалер ја започна во Работнички.
Ростов за Тошевски во 2020 година плати еден милион евра, но запиша само 11 настапи (без постигнат гол) за првиот тим, а за вториот забележа седум погодоци.