На силниот меѓународен турнир во Граплинг во Србија (ADCC Serbia 2021) кој вчера се одржа во Ковин, македонската БЏЏ (бразилска џиу-џица) репрезентација предводена од селекторот Ивица Алексовски настапи со шест натпреварувачи, двајца за првпат учествуваа на ваков меѓународен турнир.

Даниела Алексовска и Ева Илиевска освоија златни медали, а со сребрени се закитија Марко Петровски и Ане Цветковска.

Алексовска со своите 15 години и 47 кг. настапи во категорија за девојки (од 15 до 18 години) и тежинска категорија до 60 кг.. Но, и покрај што се бореше со потешки и постари противнички, полифиналната и финалната борба ги доби со зафат и го освои првото место.

Илиевска во напредната категорија во своите две борби доминираше и двете борби ги доби заслужено и го освои златниот медал.

Петровски се бореше во силна конкуренција на скоро 20 натпреварувачи, победи во три борби, а финалната борба на продолжение загуби на поени од противник кој беше еден од најквалитетните натпреварувачи на овој силен меѓународен турнир. Цветковска во финалната борба во Напредна категорија загуби на зафат и мораше да се задоволи со второто место и сребрениот медал.

Останататите двајца натпреварувачи Марко Цветковски и Сергеј Костовски ги загубија своите борби на поени. Имаше натпреварувачи од 12 земји (меѓу кои и САД, Мексико, Полска, Италија, Словачка..), а нашата репрезентација беше на четвртото место. Повеќе ТУКА

Фото: thestrongest.mk