Македонија со бод како „планина“ против Грузија на Динамо Арената! (ВИДЕО)
Во вториот натпревар од Лигата на нации нашата сениорска репрезентација одигра реми (1:1) на тешкото гостување во Тбилиси против Грузија на „Динамо Арената“.
Селекцијата на Македонија освојува значаен бод во Лигата „Ц“ и сега заедно со грузиската селекција го дели првото место во групата „2“ и без сомнение ќе се води голема борба за првото место кое води во повисок ранг.
Грузија која ни е наш можен ривал во финалето од плеј-офот за пласман на наредното ЕП 2021 се покажа како многу незгодна репрезентација, во 13 минута дојде во водство (1:0) од пенал кој го реализираше Окриашвили, а претходно фаул во казнетиот простор направи Алиоски.
Во 33 минута следуваше израмнувањето, украдовме една топка во средниот ред и во една полуконтра Пандев убаво му асистираше на Ристовски кој стрелаше од непосредна близина (1:1).
Voici le but de Stefan Ristovski. https://t.co/e5hhEwFxFr
— Football Macédonien FR ?? (@FrMacedonien) September 8, 2020
Голем проблем за селекторот Игор Ангеловски беше црвениот картон на Муслиу поради прекршок во 64 минута и поради тоа долг период до крајот на мечот моравме да биде во целосна дефанзива.
Грузија се обидуваше со сите налети повторно да го загрози голот на Шишковски, но на крајот дуелот го спасивме бодот и си заминуваме непоразени од Тбилиси.
Лига на нации
Лига „Ц“, група 2
Резултати, 2. коло –
Грузија-Македонија 1:1
Ерменија-Естонија 2:0
Табела:
1. Македонија (3:2) 4 бодови
2. Грузија (2:1) 4
3. Ерменија (3:2) 3
4. Естонија (0:3) 0
Наредни натпревари: 11 октомври Ерменија-Грузија, Естонија-Македонија, 14 октомври Естонија-Ерменија, Македонија-Грузија.