Мирко Петрески со турската Бурса брка место во Евролигата/Фото: instagram.com/bsbasketbol/

Македонец во финалето на кошаркарскиот Еврокуп

Македонскиот репрезентативец Ненад Димитријевиќ со Валенсија не успеа да обезбеди финале во Еврокупот, после поразот на домашен терен од италијанскиот Виртус (73:83).

Тоа значи дека, за жал, нема да има „македонско“ финале во Еврокупот. Димитријевиќ нема да биде дел од финалниот меч, а таму ќе биде екипата на Бурсаспор од Турција во чиј стручен штаб е нашиот тренер Мирко Петрески.

Петрески е асистент во стручниот штаб на Бурсаспор, а главен тренер е Србинот Душан Алимпијевиќ.

Бурсаспор во полуфиналната пресметка успеа да го елиминира составот на Морабанк андора со 85:68. Најзаслужен за триумфот беше Американецот Ендрју делано Ендрјус со 20 постигнати поени.

Финалето меѓу Виртус и Бурсаспор ќе се игра на 11 мај во Болоња (Италија). Победникот ќе има директно место во Евролигата за следната натпреварувачка сезона 2022/2023.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот