Македонскиот шампион Вардар oдигра успешна проверка во Италија каде што со 3-2 го победи шампионот на Сан Марино, Виртус, на само седум дена пред првиот натпревар против Купс во квалификациите за Лигата на шампионите.

„Црвено-црните“ го одиграа четвртиот контролен натпревар за време на подготовките и ја запишаа третата победа. Најзаслужен за триумфот беше босанскиот интернационалец Горан Закариќ, кој имаше директен придонес во сите три погодоци на својот тим.

Вардар одлично го отвори натпреварот и веќе по 20 минути имаше предност од 2-0. Закариќ прво се запиша меѓу стрелците, а потоа асистираше за голот на Велковски, со кој беше поставен резултатот на полувремето.

Во продолжението, Виртус успеа брзо да се врати во игра и со два гола во периодот од 52. до 55. минута израмни на 2-2. Сепак, вардарци го имаа последниот збор. Во 80. минута Закариќ уште еднаш ја затресе мрежата, овојпат по асистенција на Пиреш и му ја донесе победата на македонскиот шампион.

Натпреварот помеѓу Вардар и Купс е закажан за 7 јуни, додека седум дена подоцна во Финска ќе се игра реваншот.