Поранешната манекенка, ријалити ѕвезда и мајка на супермоделите Џиџи (31) и Бела Хадид (29), Јоланда Хадид (62), повторно ќе се мажи. Американските медиуми објавуваат дека таа е свршена со претприемачот Рандал „Ренди“ Кендрик. Веста доаѓа откако пред една година тивко ја раскинала претходната свршувачка.

Ова ќе биде трет брак на Јоланда.

Зад неа е бракот со Мохамед Хадид, со кого се омажи во 1994 година и ги доби Џиџи, Бела и Анвар. Јоланда и Мохамед се разведоа во 2000 година.

Нејзин втор сопруг беше музичкиот продуцент и композитор Дејвид Фостер, со кого беше во брак од 2011 до 2017 година.

За разлика од нејзините претходни партнери, Ренди Кендрик е личност која вешто го избегнува медиумското внимание. Тој е основач и извршен директор на „Ксебек“, една од водечките американски платформи за логистички недвижности, и е познат по пренамена на големи индустриски зони во модерни производствени кампуси. Покрај тоа, тој работи како директор во „Сандоу Лејкс Ранч Венчр“ и „Сандоу Лејкс Енерџи Компани“. Деталите за тоа како и кога започнала нивната романса се непознати.

Jасно дека поранешната манекенка буквално го манифестирала. Јоланда откри дека по вториот развод, во својот личен дневник создала „Љубовна спирала“ – еден вид мапа на желби, во која ги опишувала квалитетите на својот идеален маж.

Иако претходно барала сигурност и финансиска независност од својот сопруг, сè се променило со нејзиниот трет брак. Јоланда не споделува точно што е напишано во нејзиниот дневник, но инсајдерите известуваат: Ренди е нејзиниот идеален маж, а двојката е многу среќна заедно. Ренди Кендрик е исто така многу успешен човек во градежниот бизнис, па затоа Јоланда сè уште се држи до својата традиција да се мажи за моќни, но исто така не сака да се чувствува како граѓанин од втор ред.

За Јоланда многумина велат е многу строга и манипулативна мајка. Поради нејзиното однесување, таа го доби прекарот „Мајка од пеколот“.  Таа ги контролира животите на своите деца, се меша во нивните емотивни врски и ги игнорира нивните желби, па дури се вели дека никогаш не ги одобрила љубовните избори на својот син Анвар, особено неговата врска со познатата пејачка Дуа Липа. Таа била толку многу против таа врска што објавила фотографија на социјалните мрежи од која ја „исклучила“ Дуа, што дополнително ги потврди приказните дека не можела да ја поднесе својата идна снаа. Јоланда беше виновна и за прекинувањето на врската помеѓу Џиџи и познатиот пејач Зејн Малик кои ја добија ќерката Каи. Дури дојде и до физичка пресметка помеѓу Јоланда и Зејн, затоа што се мешала во нивната врска и во воспитувањето на малата Каи.

Јоланда често отворено ја фаворизираше Џиџи во реалното шоу, додека Бела имаше ниска самодоверба поради тоа. Во едно интервју, Бела призна дека направила операција на носот на 14-годишна возраст, а многумина истакнуваат дека таа одлука ја донела поради притисокот на Јоланда.

Џиџи, исто така, ги трпеше строгите режими на исхрана на Јоланда. Во една прилика, таа ѝ се пожалила на мајка си дека се чувствува лошо затоа што не јадела ништо со денови и дека речиси се срушила, а Јоланда само одговорила: „Јади бадеми“. Тој детаљ остана впечатлив пример за ригидниот став на мајката кон своите деца.

ФОТО | Бела Хадид конечно призна дека направила пластична операција

ВИДЕО | Бела Хадид и Педро Паскал собраа 5,5 милиони помош за Палестина и Судан

Зејн Малик ја удрил мајката на Џиџи Хадид, Јоланда: Дали ова значи нивно разделување?