Од 1 јули 2026 година стапува во сила целосна забрана за движење во шумите и шумското земјиште, соопшти Министерството за земјоделство, шумарство и водостопанство.

Од Министерството информираат дека согласноста за воведување на забраната е дадена согласно насоките од Владата, како и по барање на корисниците на шумите – ЈП „Национални шуми“ и националните паркови кои управуваат со заштитените подрачја.

Како причина за оваа мерка се наведуваат зголемената опасност и потребата од превенирање појава на шумски пожари на отворен простор. Согласноста е издадена согласно член 57, став 3 од Законот за шумите.

Забраната ќе трае до 31 август 2026 година.

Движењето во шумите во овој период ќе биде дозволено само со писмено одобрување, издадено од подружниците на ЈП „Национални шуми“ и од националните паркови, во зависност од подрачјето со кое управуваат.

За непочитување на целосната забрана, физичките лица кои ќе бидат затекнати како се движат во шума или шумско земјиште ќе бидат казнети. Согласно член 106 од Законот за шумите, глобата изнесува од 1.500 до 2.000 евра во денарска противвредност.

Истрага на ОЛАФ за проект вреден милион евра – фирма без вработени детектира шумски пожари?