Денеска македонскиот фудбалски претставник Силекс со ждрепка во Нион го доби противникот во првото квалификациско коло од Лигата на шампионите, тоа е тимот на Карабах од Азербејџан.

Клубот од Кратово ќе игра на гостински терен во Азербејџан, а поради ситуацијата со Ковид-19 можно е УЕФА да донесе одлука мечот да се игра на неутрален терен.

Поради пандемијата на коронавирус ќе се игра само по еден натпревар, дуелите од 1. квалификациско коло на ЛШ ќе се играат на 18 и 19 август. Доколку после регуларните 90 минути нема победник, истиот ќе се дознае преку продолженијата или пеналите.

Победниците од првото квалификациско коло на ЛШ ќе се најдат во второто квалификациско коло, додека поразените во второто квалификациско коло на Лига Европа.

Од нашите интернационалци, босанскиот Сараево на Крсте Велкоски ќе игра со Конах`с Квеј од Велс, додека албанската Тирана на Кристијан Тошевски се соочува со Динамо Тбилиси (Грузија).