Ливерпул си купи нов бек за 11 милиони евра
Фудбалскиот клуб Ливерпул го официјализираше вечерва трансферот на грчкиот лев бек, Костас Цимикас.
24-годишниот фудбалер во редовите на шампионот на Англија дојде од Олимпијакос во трансфер вреден околу 11 милиони евра и потпиша повеќегодишен договор.
— Liverpool FC (Premier League Champions ?) (@LFC) August 10, 2020
Цимикас беше алтернативно решение за Ливерпул, со оглед на тоа дека „црвените“ претходно ја следеа ситуацијата со Џамал Луис од Норич, но новиот англиски второлигаш не сакаше да го пушти својот млад бек за помалку од 20 милиони фунти.
Така, Јирген Клоп се одлучи за Цимикас, кој прифати епизодна улога во тимот, бидејќи Енди Робертсон е неприкосновен на таа позиција.
Цимикас одигра вкупно 46 натпревари за грчката екипа на Олимпијакос во минатата сезона.