Премиер лигата и натаму е во проблем кој не знае како да го реши поради пандемијата на вирусот Ковид-19. Во прекин е сезоната и овие денови се води главното прашање, кога и дали ќе продолжи натпреварувачката 2019/2020..

Воедно каде и во какви услови би продолжила сезоната во најсилното англиско фудбалско првенство. Но, понуда која би можела на најбогатата фудбалска лига да ги олесни одговорите на овие прашања доаѓа од неочекувана адреса.

На Премиер лигата ѝ е понудена алтернатива за завршување на сезоната, така што преостанатите 92 дена би ги одиграле во Перт, Австралија.

Premier League offered option of playing out season 9,000-miles away in AUSTRALIA as Perth senator gives backing – The Sun https://t.co/o4tLKqgE3S

— smaïl Menerville (@smailtitouha) May 3, 2020

Како што пренесува „Сан“, во Англија веќе разгледуваат дали да ја одиграат сезоната во Премиер лигата на неутрални терени каде играчите би се чувале во изолирани услови.

Англискиот агент Гери Вилијамс живее во Перт и контактираше со тамошните власти, но и Премиер лигата во намерата евентуално натпреварите се одиграат во крајниот западен дел на Австралија.

– Имав разговори со клубовите од Премиер лигата и на нив им се допадна идејата. Зборував и со локалните власти кои беа полни со ентузијазам. Тука сите би биле безбедни, плажите се отворени, мерките се релаксирани и имавме само четири нови случаи на коронавирус во изминатите 10 дена – рече Вилијамс за „Сан“.

Планот би бил сите 20 премиерлигашки екипи отпатуваат за Перт и бидат сместени во хотели. Натпреварите би се играле пред празни трибини, додека мечевите во термини кои би им одговарале на гледачите во Англија, поради временската разлика.

Само уште малку му недостасува на Ливерпул да ја освои толку посакуваната титула, на девет кола до крајот на сезоната „црвените“ беа на врвот на табелата со 82 бодови, далеку пред второпласираниот Манчестер сити кој има меч помалку.