Англиските клубови потврдија дека сакаат да ја завршат сезоната
Сите чекори за продолжување на Премиер лигата ќе бидат добро разгледани, а ќе се следат и владините упатства.
На состанокот на премиерлигашките клубови се разговараше за можните чекори кон планирање на продолжување на сезоната 2019/20, кога ќе биде тоа безбедно и соодветно.
Повторно е потврдено дека најважно е да се запре пандемијата на коронавирус. Покрај тоа, приоритет на Премиер лигата е здравјето и безбедноста на играчите, тренерите, менаџерите, клупскиот персонал, навивачите и пошироката заедница. Сите чекори за продолжување на натпреварувањето ќе бидат добро разгледани, а ќе се следат и владините упатства.
BREAKING: The Premier League confirm that they plan to complete the 2019/20 season, should UK government restrictions allow pic.twitter.com/z4SVwB5UVJ
— B/R Football (@brfootball) May 1, 2020
Лигата и клубовите однапред ги разгледуваат првите чекори, тренинзите се очекува први да се вратат со владини упатства, под стручни медицински совети и консултации со играчите и менаџерите. Лигата воедно го поздрави формирањето на владина медицинска работна група за враќање на елитниот спорт.
Разменети се само мислења за продолжување на сезоната, не е донесена никаква одлука, но уште еднаш клубовите ја потврдија својата посветеност да ја завршат сезоната 2019/20, пред празни трибини на неутрални стадиони во јуни, и така одржувајќи го интегритетот на натпреварувањето, а исто така ја поздравија владината поддршка.
Се најавува и дека следниот петок, на 7 мај, премиерлигашите ќе гласаат за продолжување на сезоната, „Проект рестарт“, што значи продолжување на натпреварувањето евентуално на 8 јуни.