Ливерпул го „врза“ одличниот бек до 2025 година, Арсенал го направи третиот најголем трансфер во клупската историја
Челниците на Ливерпул пред почетокот на новата сезона ги израдуваа навивачите со тоа што успеаја да се дооговорат со играчот кој потекнува од академијата на „црвените“, Трент Александер-Арнолд, за нов четиригодишен договор.
– Преубаво е чувството кога некој има доверба во вас. Клубот и сите во него имаат доверба во мене и тоа е неверојатно. Навистина сум среќен поради ситуацијата во која се наоѓам, го живеам својот сон. Да се биде опкружен од такви играчи и тренери и привилегија за мене – изјави Александер-Арнолд по потпишувањето на договорот.
Тој за првиот тим на Ливерпул дебитираше во 2016 година и досега има 179 настапи за „црвените“ со кои освои по една Лига на шампиони, Премиер лига, светско клупско првенство и европски Суперкуп.
Причини за задоволство имаат и навивачите на Арсенал бидејќи нов член на „топчиите“ е стоперот Бен Вајт од Брајтон. Арсенал за реализација на трансферот плати 60 милиони евра, што е трето најскапо засилување во историјата на клубот. Вајт потпиша петгодишен договор за неделна плата од 100.000 фунти.
Confirmed: New signing Ben White will wear #4 at Arsenal, previously worn by William Saliba, Mohamed Elneny, Per Mertesacker, Cesc Fabregas & Patrick Vieira. #afc pic.twitter.com/2DtbdRPxL8
— afcstuff (@afcstuff) July 30, 2021