Луис Суарез започна да покажува слаби перформанси во дресот на Барселона која планира во иднина да се раздели со Уругваецот кој има договор со клубот до 30 јуни 2021 година. Според „Трансфермаркт“ моментно вреди 50 милиони евра.

Уругвајскиот напаѓач во период од четири години, особено во сезоната 2015/2016 беше во една фантастична голгетерска форма.

Но, сезонава се гледа пад во својата игра и неговите 32 години веќе не му дозволуваат да биде на потребното високо ниво и затоа на „Блауграна“ веќе размислуваат за негова идеална замена во блиска иднина секако кога ќе дојде време.

Barcelona identify four players to replace Luis Suarez.

The Catalan giants are planning for life without Uruguayan Suarez, 32. England pair Harry Kane and Marcus Rashford, along with Kylian Mbappe and Lautaro Martinez have all been added to Barca's shortlist. (Mundo Deportivo)

— FITH (@FITHupdates) October 13, 2019

Барса значително го зајакна својот состав на неколку позиции во последните преодни рокови со засилувања како Гризман, Фирпо, де Јонг и Нето. Сега почнаа да ги свртуваат своите погледи кон централната напаѓачка улога, како што информира „Мундо Депортиво“.

Изворот вели дека француската ѕвезда на ПСЖ, Килијан Мбапе е главната цел. Барса се надева на намалување на неговата цена во 2021, во моментот кога ќе влезе во последната година од неговиот договор со „светците“, и секако доколку во меѓувреме не потпише нов договор.

Напаѓачот на Тотенхем, Хари Кејн, исто така, се наоѓа на врвот на списокот, но проблем може да биде неговата плата во реализацијата на евентуалниот трансфер на англискиот репрезентативец. Уште двајца се разгледуваат како опции да го заменат Суарез во Барселона, тие се Маркус Решфорд од Манчестер Јунајтед и фудбалерот на Интер, Лаутаро Мартинез.