На најновата ВТА ранг-листа објавена денеска, најдобрата македонска тенисерка Лина Ѓорческа има скок од 12 места и моментно е на 182. позиција со 387 поени.

Минатата недела Ѓорческа настапи на ИТФ В50 турнирот во Порто, Португалија, каде што стигна до полуфиналето, остварувајќи три победи.

По двата ИТФ турнири во Порто, нашата тенисерка својот следен настап треба да го има во Франција на ВТА тур.

На врвот останува Арина Сабаленка со 10,990 поени, Ига Швјонтек со 7,978, а третопласирана е Елена Рибакина со 7,523.

Редоследно од четвртото до осмото место се Аманда Анисимова, Коко Гоф, Џесика Пегула, Мира Андреева и Жасмин Паолини. На деветтата позиција се искачи Елина Свитолина, а на 10. место сега е Екатерина Александрова.