25 C
Скопје

Лицата со церебрална парализа од Велес бараат да бидат вклучени во петтиот пакет економски мерки

Здружението на лица со церебрална парализа од Велес денеска електронски достави писмено барање до премиерт Зоран Заев, до претседателот на Парламентот, Талат Џафери и велешките пратеници Коциќ, Здравковски, Апасиев и Кадриов, да се заложат лицата со попреченост од земјава да бидат вклучен во петтиот пакет економски мерки на Владата за надминување на кризата предизвикана од коронавирусот.

Тие од надлежните бараат ваучер за набавка на лекови, витамини, здрава храна и хигиенски материјали, како и ваучер за рехабилитација, рекреација и одмор во вредност од по шест илјади денари, информира денеска на прес-конференција Далиборка Златева, претседател на Здружението.

Таа информира дека лицата со попреченост и без присуство на коронавирусот живеат во еден поинаков свет кој секојдневно им носи карантин, потреба од витамини, специјализирана храна, потреба од рехабилитација и рекреација. Нагласи дека во услови кога целиот свет живее во стегите на пандемијата, децата со попреченост тоа го чуствуваат двојно. Потенцира дека во развиените земји од светот и општествено одговорните држави, на оваа категорија на граѓани им се овозможува посебен третман и заштита во период на пандемијата.

– Истото треба да се случи и во нашата држава. Петтиот пакет да се надополни со помош и поддршка на сите деца и лица со попреченост на територија на Република Северна Македонија, побара од надлежните Златева.

Исто така, од Здружението денеска побараа и измени во здравствената законска регулатива и во социјалната и пензиската законска регулатива. Измените се однесуваат на олеснување на секојдневното живеење, со што децата и лицата со попреченост, но и нивните членови од потесни семејства ќе станат социјализирани и корисни граѓани.

-Бараме промена за бесплатно здравство за сите лица со попреченост без ограничување во староста, бесплатен престој на придружникот на лице со попреченост во период на хоспитализација, како и намалување на период од пет години за обнова на ново ортопедско помагало и моделирање според потребите на корисникот со што ќе се влијае на мобилноста и функционалноста. Исто така бараме и промена на границата до и над 26 години старост и рамномерна достапност на сите пропишани социјални права уште од моментот на дијагностицирање, рече Златева.

Таа побара од надлежните  и зголемување на износот на додатоците за нега односно мобилност и попреченост, воведување на категорија „Родител-неговател” за најтешките случаи деца и лица со попреченост, изедначување на висината на социјални додатоци кај згрижувачко и биолошко семејство, предвремено пензионирање на родителите со навршени 55 години старост
Побара трајното решение за мобилност на најтешките случаи на лица со попреченост да не биде како досега на секои шест месеци обнова на документи, комисиите кои вршат категоризација да бидат финансирани од државата, а не од лицата и семејствата на лица со попреченост.
Кон ова нивно барање се приклучија и дадоа поддршка и здруженијата „Доза среќа”, „Соѕвездие” и „Пркос” од Скопје. 

Поврзани вести

Германската амбасадорка Холштајн за СП: За Германија е незамисливо за Албанија да каже да, а С. Македонија да ја остави

Слободен печат

ЦИВИЛ: Бришењето зборови од Речникот на македонскиот јазик нема да го намалат говорот на омраза, туку ќе го засилат

Слободен печат

Денеска се регистрирани 234 нови случаи на коронавирус, 25 лица починаа

Слободен печат

Извлечен човечки труп од реката Вардар

МИА Агенција

Формирана анкетна комисија за разрешување на албанскиот претседател Мета

МИА Агенција

Димитров: Естонското искуство може многу да ѝ користи на Северна Македонија на патот кон ЕУ

Слободен печат

Остави Коментар