Лубеницата е едно од омилените летни овошја, во кое често бараме спас од неподносливите горештини. Кога е изладена е одлична и освежителна закуска, па затоа ни е прв избор за консумирање по напорниот работен ден, пишува „Пун куфер“.

Но, лубеницата можеме да ја консумираме и во разни освежителни пијалаци. Таа е одличен додадок на сангрија – традиционален шпански пијалок со вино и многу овошје.

За да ви биде сангријата уште поосвежителна, претходно замрзнете го овошјето. Освен вино, можете да додадете и текила или вотка, како и малку мед за поинтензивен вкус.

Состојки:

• 750 мл розе
• 250 гр замрзнато шумско овошје
• 300 гр замрзната лубеница
• 120 мл вотка или текила
• 2 супени лажици сок од лимон
• 3 големи лажици мед

Подготовка:

Замрзнатото овошје ставете го во блендер. Во овошјето додадете сок од лимон, мед и текила и убаво измешајте. На крајот, додадете го виното. Доколку е потребно, додадете повеќе мраз и измешајте. Декорирајте со шумски плодови.

На здравје!