Лесен летен ручек: Рецепт на Викторија Спенџарска Стин за полнети модри патлиџани
Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот
Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да рекреирате некој од нејзините здрави рецепти.
Рецепт на Викторија Спенџарска Стин за супа од домати: Ручекот ќе ви биде готов за 20 минути!
Денес Викторија споделува рецепт за полнети модри патлиџани.
„Идеја за оброк што јас го нарекувам ‘чистка на фрижидерот’. Искористете ја сезоната на пиперки, патлиџани, тиквички, модар патлиџан – затоа што сега се највкусни. Во лето се трудам да јадам што е можно посвежа храна, но кога ќе забележам дека зеленчукот почнал да губи од свежината, ја вадам тавата и веднаш смислувам нешто“, вели таа.
Овој оброк може да си го направите само во тава и да не ги печете модрите патлиџани, изборот е ваш!
Потребни состојки:
– 2 мали модри патлиџани
– 1/2 главица кромид
– 2 чешниња лук
– 1/2 тиквичка
– 1 пиперка
– 1 домат
– неколку печурки
– 3-4 лажици
– варена киноа
Подготовка:
Издлабете ги модрите патлиџани и ставете ги да се печат 15-ина минути на 180 степени премачкани со маслиново масло. За тоа време се сечка зеленчукот и се запржува во тава со зачини по желба. Издлабените модри патлиџани се полнат со зеленчук и може да се јаде така или да се сервира со сос од таан и лимон. На здравје!