Лекари предупредуваат за опасна техника на зголемување на пенисот: Пациентите доаѓаат со модринки и болки
Техниката за зголемување на пенисот наречена „џелкинг“ (jelqing) станува сè попопуларна, а лекарите ги предупредуваат мажите за нејзината опасност.
Имено, овој тренд подразбира влечење и истегнување на пенисот при делумна ерекција. Некои тврдат дека на овој начин може да се зголеми пенисот и да се продолжи ерекцијата. Сепак, ова е далеку од вистината бидејќи не постојат студии кои ја докажуваат оваа теорија, пишува „Сан“.
Докторката Сара Џарвис вели дека мажите можат да добијат Пејрониева болест поради оваа техника. Тоа е фиброзно згуснување кое го собира и деформира пенисот, искривувајќи го за време на ерекцијата.
„Обично е видливо само кога пенисот е во ерекција, но сепак може да биде проблематично бидејќи може да предизвика болна ерекција и да го отежне сексот“, изјавила таа.
Урологот Џамин Брамбхат вели дека вежбата е само губење време.
„Може да биде многу болно, а понекогаш може да бидат потребни три до шест месеци, па дури и една година дури да забележите некаква промена“, објасни тој.
Докторот Џастин Дубин за „Псајколоџи тудеј“ изјави дека во 2023 година има зголемување на бројот на пациенти со оваа болест. Напомена и дека овој тренд го следат претежно млади мажи.
„Сум имал мажи кои доаѓале во мојата канцеларија со модринки, болки и оштетени пениси. Не сум видел како ги кршат пенисите додека ја практикуваат оваа вежба. Сепак, овој ‘трик’ на кој мажите посегнуваат може да го зголеми нивниот ризик од развој Пејрониевата болест во иднина, која всушност може да им ги намали пенисите“, изјавил тој.