Легендарната поранешна манекенка Твиги ги осуди сестрите Кардашијан бидејќи во нив ја гледа вината за наметнувањето на искривените стандарди на убавина.

„Пластичните операции станаа сосема нормална работа. Навистина не ги сакам тие филери со кои хирурзите ги пополнуваат лицата на жените. Поради нив, тие изгледаат како верверици”, истакна 70-годишната поранешна британска манекенка.

Твиги признала дека во еден момент посакала да оди на корекции, но набрзо се откажала од таа идеја. Жената која најголемата слава ја имаше во текот на 60-тите години и беше една од најплатените и највпечатливите модели изнесе остри критики на сметка на сестрите Кардашијан.

„Од 2016 година, хируршките интервенции пораснале за 41 процент, што е загрижувачка информација”, вели таа.

За порастот на пластичните зафати, вината ја пронаоѓа во семејството Кардашијан, бидејќи како што вели таа, тие се платени да го рекламираат таквиот изглед и таквите интервенции.

„Не ми се допаѓа како изгледаат, се на нив е пластично и лажно. Многу девојки по нивниот пример одат „под нож” и изгледаат неприродно и непривлечно. Тие им се пример во животот, а не се однесуваат така. Треба да бидат поодговорни и да водат грижа каква слика и порака им испраќаат на младите девојки”, заклучи Твиги.