Лазаров во Топ 3 најдобри екс-ју ракометари според „Балкан Хандбал“
Лука Циндриќ, поранешниот играч на Вардар 1961, го доби признанието за најдобар екс-ју ракометар во сезоната 2020/2021.
Хрватскиот репрезентативец Циндриќ беше дел од шампионската екипа на Барселона која се закити со пехарот во Лигата на шампионите во Келн и така дојде до својот втор трофеј во најдоброто европско клупско натпреварување после првиот првиот освоен со Вардар во 2017 година.
Хрватскиот ас освои вкупно 22 поени од жирито на специјализараниот веб портал за ракомет, „Балкан-Хандбал“.
На второто место се најде неговиот сонароник Домагој Дувњак со 19 поени, а на третата позиција македонскиот репрезентативец Кирил Лазаров со 15. Во изборот се најдоа уште Блаж Јанц (13), Бенјамин Буриќ (10) и Марко Безјак (два).
Изборот на „Балкан-Хандбал“ подразбира микс на гласови од посетителите на сајтот и новинарското жири.