Денеска во рамките од осмото коло во најсилното француско првенство екипата на Нант триумфираше убедливо на гостувањето кај Шамбери со резултат 26:35.

Македонскиот репрезентативец Кирил Лазаров имаше придонес во освојувањето на бодовите со пет постигнати голови (5/5), без грешка, четири од нив беа реализирани од пенал.

Поефикасни од нашиот десен бек беа само Брие и Балагер кои по шестпати се запишуваа во листата на стрелците.

Ова е враќање на победничкиот пат на Нант во шампионатот после ремито со Монпеље и поразот од Лимож.

Моментно после четвртата победа сезонава е на третото место со девет бода и два меча помалку од водечките ПСЖ (16) и Лимож (11).