Лазаров: Ќе се обидеме повторно да ја изненадиме Ла Риоха
Во вторник од 18.45 часот во СЦ „Јане Сандански“ во Скопје ќе се игра ракометниот клуб Алкалоид ќе го игра својот последен натпревар сезонава во Европската лига на ЕХФ.
Македонскиот вицешампион кој ги загуби шансите за пласман во следната фаза, ќе има последна шанса да дојде до нови бодови во рамките од групата „Ф“ против Ла Риоха.
А токму против оваа шпанска екипа играчите на тренерот Кирил Лазаров го освоија првиот историски бод на меѓународната сцена и тоа на гостински терен (29:29).
– Успеавме да ја изненадиме Ла Риоха на нејзин терен. Ќе дадеме максимум и ќе се обидеме тоа да го направиме и дома – вели Лазаров.
Билети за овој дуел по цена од 100 или 150 денари навивачите, верните љубители на ракометот и спортот може да набават преку продажната мрежа на „МкТикетс“.
Лазаров: Вардар двапати беше европски првак, но репрезентацијата не доби ништо од тоа