Моментно германскиот фудбалски клуб Лајпциг е на зимски подготовки во Ла Манга, Шпанија, каде ја темпира формата за вториот дел од сезоната.

Како што е веќе познато, нов играч на бундеслигашот е македонскиот репрезентативец Елиф Елмас кој тренира со своите нови соиграчи.

Од клубот најавија дека на 6 јануари ќе се игра пријателски натпревар против швајцарскиот Ст. Гален од 15.00 часот како дел од зимскиот тренинг камп. Ст. Гален се наоѓа на втората позиција во најдобрата швајцарска фудбалска лига.

Исто така, овој меч ќе се пренесува во живо на официјалниот Јутјуб канал на Лајпциг и на „rbleipzig.com“.

Следната недела ќе продолжи бундеслигашката сезона, на 13 јануари на домашен терен на „Ред Бул“ Арената фудбалерите на Марко Розе ќе играат против Ајнтрахт Франкфурт.