Денеска во првото коло од групата „Ц“ екипата на Магдебург на домашен терен со конечен резултат 32:26 (15:13) триумфираше над Горење Велење.

Во редовите на германскиот клуб настапи македонскиот репрезентативец Филип Кузмановски кој придонесе во стартната победа со еден реализиран гол.

Кај неговите соиграчи најефикасен беше Петерсон со девет голови, четири помалку запиша Мертенс, а на спротивната страна за словенечката екипа Бојаниќ и Целминс имаа по пет погодоци.

Потсетување дека во последното квалификациско коло за пласман во групната фаза на ЕХФ купот, Горење Велење го елиминираше нашиот претставник Металург.

Во ова клупско ракометно натпреварување нашата земја уште двајца претставници, Борко Ристовски со португалската Бенфика и Кирил Лазаров со францускиот Нант.