Кундалини медитацијата помага во стресни ситуации. Оние кои ја практикуваат велат дека може да се постигне мир за една минута.

Најмоќниот лек на овој свет е дишењето, дури и тогаш кога сме обземени од стрес. Затоа пробајте ја оваа моќна и практична кундалини медитација што помага во справувањето со вознемирувачки и предизвикувачки ситуации.

Позиција: Седнете со скрстени нозе така што ќе се чувствувате удобно.

Со рацете формирајте Gyan mudra (врвот на палецот и показалецот се допираат и формираат круг, другите прсти се испружени).

Дишење: Направете осум кратки вдишувања низ носот, па еднаш издишете низ носот. Ако ова дишење ви е тешко, вдишете четири пати наместо осум.

Време: Оваа кундалини медитација е доволно да се вежба една минута дневно за да се забележат резултатите, но кундалини јогите препорачуваат да се прави единаесет минути дневно 40 дена по ред.