Веќе неколку години, ЛГБТИ+ здруженијата бараа од Рокстар Гејмс да ги отстрани или измени материјалите, кои според нив се трансфобични, од играта Grand Theft Auto V – или планетарно позната како ГТА 5.

Иако своевремено играта доби многу позитивини критики, имаше и негативни, од кои најмногу за тортура, како и насилство над жените. Новинарката Каролин Петит беше „бомбардирана“ со негативни коментари откако јавно реши да зборува за играта, дека е мизогина, а гигантот за продажба „Таргет“ ја отстрани од своите маркети.

Сепак, овие обвинувања добија поголема видливост периодов. Сега, луѓе што ја играат најновата верзија од играта забележиле промени кога станува збор презентирањето на трансродовите лица во ажурираната верзија на играта, која неодамна беше пуштена за Плејстешн 5 и X/S серијата за Икс0бокс, пишува UKGamingBible.

За промените во последната верзија „твитна“ KirstyCloud,  админ на форумите на ГТА:

The models still exist in Director Mode at the moment, but their dialogue options have been removed (presumably this means protagonist dialogue lines to these NPCs about using hormones etc are therefore unused now too).

PC vs PS5. Thanks @SpiderVice for the PC screens. pic.twitter.com/rjkKkMfBtG

— Kirsty Cloud (@kirstycloud) April 8, 2022

Во септември изминатата година, АутМејкингГејмс (ЛГБТИ+ колектив од В. Британија од гејминг индустријата) преку јавно писмо до девелоперите на Рокстар Гејмс побараа да се преиспита начинот на кој се претставени транс и родово-различните лица. Во писмото, тие обвинуваат дека играта промовира „екстремно штетни стереотипи“ кои поттикнуваат „одбивност и убиство“ на таквите карактери во ГТА5.

Засега нема коментар од Рокстар Гејмс за промените и се уште е непознато дали оваа ажурирана верзија ќе ги опфати и постарите верзии на ГТА5.