Поранешниот фудбалер на Манчестер јунајтед, Кристијан Ериксен (33), наскоро ќе го облече дресот на Волфсбург. Според извештаите, тој веќе заминал за Германија за да го комплетира договорот.

Данскиот играч од средниот ред доаѓа во германскиот клуб како слободен агент откако го напушти Олд Трафорд по истекот на договорот. Бундеслигашот започна преговори со Ериксен во јуни и двете страни на крајот постигнаа договор.

Ериксен последен пат играше на пријателскиот натпревар на Данска против Литванија на 10 јуни и не беше повикан во репрезентацијата за последните квалификациски натпревари за Светското првенство.

За да остане во форма додека не најде нов клупски ангажман, тој тренираше со Малме.

Волфсбург ќе биде шестиот клуб во кариерата на Ериксен во сениорскиот фудбал, претходно играше и за Ајакс, Тотенхем, Интер и Брентфорд. Ги бранеше боите на Манчестер јунајтед од 2022 година и во тој период одигра 107 натпревари и запиша осум гола и 19 асистенции.

🚨🟢⚪️ Christian Eriksen to Wolfsburg, here we go! Deal in place and medical in Germany for former Man United player.

Eriksen has accepted the proposal as deal can be considered done, as @F_Abolhosseini reported.

New chapter for the Danish star. 🐺 pic.twitter.com/oPnHMkYO8n

— Fabrizio Romano (@FabrizioRomano) September 10, 2025