Извори блиски до семејството Смит го обвинуваат Крис Рок дека е опседнат со Џејда Пинкет-Смит, откако комичарот повторно ја прозва актерката и нејзиниот сопруг Вил Смит во својот нов стендап-перформанс.

Како што наведуваат изворите, комичарот бил „опседнат со актерката над 30 години“, а таа наводно била шокирана колку пати Рок ја нарекол „кучка“ во своето шоу „Chris Rock: Selective Outrage“ кое е достапно на „Нетфликс“.

И пред премиерата, многу фанови го критикуваа Крис Рок бидејќи го одбрал Балтимор за снимање на својот стендап бидејќи тоа е родниот град на Џејда, а таму зборувал за шлаканицата на доделувањето на Оскарите, дружењето на Џејда со поранешниот партнер Август Алсина и слично.

„Џејда нема никаква улога во целата оваа драма, освен што ја малтретираат. Крис е опседнат со неа и тоа трае веќе 30 години. Погледнете каде избрал да се снима неговиот специјал на „Нетфликс“. Нејзиниот роден град. Тој е опседнат“, вели изворот.

Крис Рок ја исмеа актерката и поради една ситуација од 2015 година, кога го замолила да не биде домаќин на доделувањето на „Оскарите“ откако Вил не бил номиниран за улогата во филмот „Concussion“.

„Пред неколку години сопругата на Вил Смит ми рече дека треба да се откажам од „Оскарите“. Не требало да бидам водител бидејќи нејзиниот сопруг не беше номиниран за филмот ‘Concussion’ (Потрес на мозок), а неколку години подоцна тој ми нанесе потрес на мозокот“, вели Рок во снимениот настап.

Помина речиси една година од мегаскандалот на „Оскарите“, кога Вил Смит, со кој Џејда е во брак повеќе од 25 години, се качи на сцената на доделувањето на наградите и му удри шлаканица на Рок, откако комичарот се шегуваше на сметка на ќелавата глава на актерката.

ВИДЕО | Вил Смит по скандалот на Оскарите го одржа првиот јавен говор и доби награда

По шамарот на Вил Смит, Академијата воведува „кризен тим“ за овогодинешните Оскари

ВИДЕО | Еди Марфи се пошегува: За да бидете успешни, не го спомнувајте името на сопругата на Вил Смит