На кралот Чарлс не му недостигаше вообичаената духовитост за време на неговата прва средба со папата Лав XIV во Ватикан. Посебен момент се случи пред Папската базилика, каде што кралот се сретна со ученици од Скуола Примарија Сан Паоло, пишува „Пипл“.

Децата го поздравија топло на англиски: „Ваше Височество, училиштето Сан Паоло има чест да ве поздрави“, на што Чарлс одговори со смеа и намигнување: „Вашиот англиски е одличен, подобар од мојот италијански“.

Неговата самокритична забелешка предизвика радосно расположение кај учениците.

Кралот потоа прашал за нивниот училишен живот и на шега забележал дека веројатно имаат многу домашни задачи.

Радосната средба со учениците беше во остра спротивност со главната причина за посетата – мисата што Чарлс и кралицата Камила ја одржаа со папата во Систинската капела. Историскиот момент ја означува првата заедничка јавна молитва помеѓу британски монарх и папа од Реформацијата во 16 век и симболизира ново поглавје во односот помеѓу католичката и англиканската црква.