Кралицата Елизабета ќе го отвори својот прв паб на имотот во Норфолк
Кралицата, доколку се остварат плановите, ќе има сопствен локал само на километар и половина одалечен од куќата во Сандрингам. Таму ќе може да се опушти и принцот Вилијам и неговото семејство. Нивниот имот е веднаш преку патот.
Кралицата Елизабета Втора (96) ќе поседува паб на својот имот во Сандрингем во Норфолк. Таа планира пабот да го направи во некогашниот друштвен клуб кој е затворен веќе две години.
Кралскиот имот планира да ја изнајми празната викторијанска зграда со цел да ја пренамени во паб, но со задржување на слободата за сопствеништво. Кралицата, ако плановите се остварат, ќе има сопствен локал само на еден километар и половина одалечен од куќата во Сандрингам. Таму ќе може да се опушти и принцот Вилијам (39) и неговото семејство. Нивниот имот е веднаш преку патот.
Агентите за недвижнини „Ландлес“ го опишуваат ова како ретка прилика. Зградaта некогаш била друштвен клуб, а ја отворил прадедото на кралицата, кралот Едвард Шести во 1884 година.
Мештаните се со поделено мислење. Некои се задоволни што конечно ќе можат да испијат пијалок во близина, а други се загрижени поради издувните гасови од автомобилите. „Ландлес“ го опишува поранешниот клуб како место со одлична локација и панорамски поглед на природата. Идејата за пабот е последна во низата иновации кои ги воведе принцот Чарлс (73) откако го презеде имотот од татко му од 20 илјади хектари.
Чарлс имотот го направи целосно органски, го подобри паркиралиштето, го преуреди ресторанот и сувенирницата… иако сè се уште е во сопственост на кралицата.