Шпанскиот репрезентативец Гави (19), еден од најголемите фудбалски таленти на таа земја, ги скина лигаментите на коленото во победата на Шпанија од 3:1 против Грузија во последното коло од квалификациите за ЕП 2024.

Од претходно Шпанците веќе имаа обезбедено пласман на континенталниот собир, само им требаше победа за да го обезбедат првото место во својата група пред Шкотска кој одигра 3:3 против Норвешка на домашен терен.

Од клубот на Гави, Барселона, се лути кон тамошната федерација што се форсираше нивниот член да настапи против Грузијците.

Фудбалерот на каталонскиот гигант после само 26 минути игра во солзи го напушти теренот. Неговата повреда значи пауза од шест до осум месеци, а под знак прашалник му е настапот на Европското првенство кое ќе се организира од 14 јуни до 14 јули 2024 година во Германија.

Младиот Гави веќе има 27 настапи за најдобрата шпанска репрезентација и со пет постигнати голови.

❗️Gavi is out for the remainder of the season. He will miss 6-8 months. He has torn his ACL.

— @diarioas pic.twitter.com/8zmvLF29EH

— Barça Universal (@BarcaUniversal) November 19, 2023