Српскиот кошаркар Василије Мициќ и официјално стави крај на шпекулациите за неговата иднина, а кариерата ќе ја продолжи во редовите на Хапоел.

По престојот во НБА, Мициќ се враќа во Европа и избра да му се приклучи на амбициозниот проект на Димитрис Итудис, кој заедно со моќниот израелски бизнисмен Офер Јанај го гради новото лице на Хапоел. Јанај е основач на „Нофар Енерџи“, една од водечките светски компании за соларна енергија, и токму тој стои зад сериозната финансиска поддршка за клубот.

Иако Црвена Звезда, Фенербахче, Олимпијакос, Реал Мадрид и дури и Ерусалим беа во игра, Мициќ одлучи дека Тел Авив е вистинското место за следниот чекор. Според информациите, тригодишниот договор ќе му донесе заработка од дури 18 милиони евра.