Крај на една ера: Том Брејди по 22 сезони и седум титули замина во пензија
Иконата на американскиот и светскиот спорт, квотербекот на Тампа Беј, Том Брејди, одлучи да стави крај на неверојатната кариера.
ЕСПН пренесува дека по 22 сезони поминати во само два клуба, Њу Ингланд петриотс и Тампа Беј Баканирс, Том Брејди одлучи да замине во пензија.
Tom Brady is retiring from football after 22 extraordinary seasons, multiple sources tell @JeffDarlington and me.
More coming on https://t.co/rDZaVFhcDQ. pic.twitter.com/6CHWmMlyXg
— Adam Schefter (@AdamSchefter) January 29, 2022
Брејди си заминува како можеби најдобриот играч во историјата на НФЛ лигата со освоени седум шампионски титули и три МВП награди за најдобар играч во сезоната, пет награди за МВП на финалниот меч – популарниот Супербол, како и со бројни поставени и соборени рекорди.
Тој за 22 сезони одигра 365 натпревари и речлиси се запиша во сите книги на рекорди во НФЛ. Тој е прв по бројот на префлрени јарди во регуларниот дел од сезоната (84.520 јарди), по бројот на фрлени додавања (11.317) , по бројот на комплетирани додавања (7.236) како и по бројот на додавања за тачдаун (624).
Брејди е апсолутен рекорден кај квотербековите во плеј-офот во сите категории. Има највеќе победи во плеј-офот меѓу квоербековите (35), има највеќе додавања за тачдаун (86) и највеќе префрлени јарди (13.049).
Во НФЛ лигата влезе во 2000 година и тоа дури како 199 избор на драфтот, а на сопственикот на Њу Ингланд, Роберт Крафт при запознавањето му кажа дека ја направил најдобрата одлука која ја донел неговиот тим.
Тоа го докажа во 20-те сезони кои ги помина во Њу Ингланд со кого освои шест шампионски титули, за потоа во првата сезона како член на Тампа Беј исто така да дојде до титулата.