Кадетската репрезентација на Македонија го заврши настапот на Европското Првенство во Удине на 12. Позиција. Во последниот натпревар на ЕП за кошаркари до 16 години, Македонија загуби од добро познатиот протвник Израел со 83:72.

Овој пат натпреварот беше решен во регуларниот дел од натпреварот, а првата нивна пресметка во групната фаза, исто така заврши со победа на Израел но таа беше издвојувана по дури три продолженија.

Натпреварот имаше сличен тек како и првата пресметка,во првото полувреме и двете селекции се менуваа во водство, а изедначениот квалитет не дозволи голема разлика и полувремето „црвено-жолтите“ имаа предност од 39:37.

Израмнетата игра продолжи ии во третата четвртина, за во последните 10 минути заморот и падот во концентрацијата си го направија своето, Израел ја презеде контролата и четвртината ја доби со 25:11 со што ја обезбеди победата и 11. позиција на ЕП.

Филип Наков со 20 поени беше најпрецизен во македонскиот табор, Андреј Митевски постигна 11 поени додека Резарт Мемед и Марин Петков реализираа по десет поени.

Избраниците на селекторот Дервишевиќ на седум натпревари остварија две победи и имаа седум порази, но ја остварија целта, останаа во елитната дивизија, а младите кошаркари покажаа дека иднината на македонската кошарка е светла.