Тренерот на Наполи, Антонио Конте, по победата над Торино со 2-1 во Серија А, упати пофални зборови за македонскиот репрезентативец Елиф Елмас. Тој на овој натпревар го постигна својот прв гол сезонава, и тоа против поранешниот клуб, со атрактивен полуволеј кој заврши во мрежата на гостите.

Елмас повторно беше во почетниот состав и ја продолжи серијата од 18 последователни настапи како стартер во тимот на актуелниот шампион на Италија. По натпреварот, Конте не го криеше задоволството од неговиот придонес на теренот.

„Да не го заборавиме Свети Елмас, затоа што заслужува споменик. Тој одлично го разбира фудбалот, секогаш е вклучен во играта и може да покрие повеќе позиции – и како дефанзивен играч за врска, но и поофанзивно во средниот ред. Станува збор за извонреден фудбалер. Започна на 18 натпревари по ред и среќни сме што го имаме во тимот“, изјави Конте.

ВИДЕО: Елмас стрелаше против Торино, го постигна првиот гол сезонава