Конте сака силен Тотенхем следната сезона, на мета се двајца Бразилци и Италијанец
Антонио Конте успеа да го врати Тотенхем во Лигата на шампионите, па лондонскиот клуб стана посакувана дестинација за многу фудбалери. Тотенхем веќе ги потпиша Иван Перишиќ, Фрејзер Форстер и Ив Бисума, но Конте не планира да застане тука и има листа на засилувања.
Решението за десната бековска позиција ќе биде изборот меѓу Џед Спенс од Мидлсбро, а Џонатан Клаус од Ленс и Вилфред Синго од Торино.
На листата на желби се наоѓа и дефанзивецот на Лајпциг, Јошко Гвардиол, кој со одличните игри минатата сезона го привлече вниманието на голем број клубови.
Највисоко на списокот на желби на менаџерот на Тотенхем се наоѓаат двајца Бразилци и еден Италијанес. Конте по секоја цена во Тотенхем ги сака фудбалерот на Евертоон, Ришарлисон и Рафиња кој минатата сезона играше за Лидс, а за него постои сериозен интерес и од Арсенал.
Спортскиот директор на Тотенхем, Фабио Паратичи пак се обидува да го убеди италијанскиот репрезентативец Николо Заниоло да прифати да се пресели во Премиер лигата.
Заниоло одби да потпише нов договор со Рома по што италијанскиот тим го стави на трансфер листата и се очекува Тотенхем за неговиот потпис да се бори со Јувентус кој исто така планира негов ангажман.