Наскоро очекуваме да продолжи и сезоната во најсилното италијанско фудбалско првенство после паузата поради пандемијата на коронавирус.

Интер оваа сезона се наоѓаше на врвот во Серија А, но следуваа лоши игри кои влијаеја во генералниот пласман.

Моментно е на третото место со 54 бодови, шансите и натаму постојат за Скудетото, но треба чудо да се случи, бидејќи сега воглавно погледите се насочени кон Јувентус (63) и Лацио (62) кои ја водат битката за тронот.

Тренерот на Интер, Антонио Конте може да се пофали дека во составот има супер играчи како Алексис Санчез, Ромелу Лукаку, Кристиан Ериксен, но од друга страна е разочаран од податокот дека неговите резерви кои ги има на располагање, од клупата во текот на мечевите немаат скоро никаков резултат.

Поточно на оваа листа „неро-аѕурите“ имаат само една реализација и се подобри само од екипата на СПАЛ. Единствениот гол за Интер реализиран од резервите беше Алесандро Бастони кој го замени Диего Годин во јануари во ремито со Лече (1:1).

ГОЛОВИ ПОСТИГНАТИ ОД РЕЗЕРВИТЕ ВО СЕРИЈА А ОВАА СЕЗОНА –

Аталанта 14
Верона 9
Парма 8
Лацио 7

Јувентус 6
Џенова 5
Милан 5
Сампдорија 6

Каљари 4
Наполи 4
Торино 4
Фиорентина 3

Рома 3
Болоња 2
Сасуоло 2

Удинезе 2
Интер 1
СПАЛ 0