Фудбалскиот прволигашки клуб Борец ги прави првите потези на трансфер пазарот пред вториот дел од сезоната..

Денеска и официјално нови играчи на велешката екипа се Колумбиецот Александер Борха и Лука Трајкоски.

Борха претходно ги бранеше боите на Работнички, битолски Пелистер, Македонија ЃП и Локомотива. Младинскиот репрезентативец Трајкоски досега настапуваше за Македонија ЃП, Тиквеш и прилепска Победа.

Моментно како што информираат од ФК Борец се преговара и со неколку фудбалери како од странство, така и од домашниот шампионатот со цел да се подигне нивото на клубот.

После завршувањето на есенскиот дел во Првата македонска лига Борец е на шестата позиција со 25 бодови, колку што има и петтопласираниот Вардар, а три помалку од четвртопласираната екипа на Струга Трим Лум.