Колку е вредна македонската патна исправа? – Македонците без виза може да патуваат во 124 земји
Поради пандемијата границите на ЕУ остануваат затворени за земјава.
Индексот на најпосакувани пасоши на Henley & Partners со кој се оценува слободата на движење на носителите на патни исправи македонскиот пасош го рангираше на 47. место, а неговите носители може да патуваат без виза во 124 земји.
Индексот ги следи промените во секое тромесечје и во пракса, како што истакнуваат од Henley & Partners, бројот на достапни дестинации каде не треба виза значајно се разликува и зависи од тоа колку земјите се справуваат успешно со пандемијата.
Индексот не ги зема в предвид ограничувачките мерки воведени од владите поради пандемијата, но ја актуелизира новонастанатата ситуација во пост-Ковид-19 свет, кога слободата на движење на граѓани на некои земји, како САД, Бразил и Русија, каде пандемијата не стишува, ќе биде сосема намалена.
На првите позиции според оваа ранг листа се Јапонија, Сингапур, Јужна Кореја или Германија, а Американците кои ја заземаа седмата позиција сега поради пандемијата имаат иста слобода на движење како Мексико и Уругвај (рангирани на 25. и 28. место соодветно).