Која е осомничената за нападот во Истанбул?
Турските медиуми објавија дека осомничената за нападот во Истанбул е државјанка на Сирија и дека таа признала дека е поврзана со Курдистанската работничка партија, која во земјата е препознаена како терористичка организација.
Турскиот министер за правда Бекир Боздаг соопшти дека за експлозијата во центарот на Истанбул е осомничена жена, која, според него, 45 минути седела на клупа, а потоа станала.
#Istanbul police report that the woman detained for the attack is a #Syrian citizen, her name is Ahlam #Albashir. pic.twitter.com/8XuYrjkpet
— NEXTA (@nexta_tv) November 14, 2022
– Експлозијата се случи само неколку минути откако таа замина. Нејзиниот идентитет се уште не е познат ниту е јасно која група би можела да стои зад нападот – рече министерот вчера.
Тој потоа додаде дека постојат две можности како дошло до експлозијата.
– Или во чантата имало механизам што се активирал, или некој го активирал механизмот од далеку. Истрагата се уште е во тек. Можно е намерно да го избрале тој регион. Има многу странци, можеби сакаа да испратат порака до светот. Турција е силна земја – рече министерот.
Турскиот претседател Реџеп Таип Ердоган рече дека бомбашкиот напад во центарот на градот „мириса“ на тероризам. Тој изјави и дека експлозијата е „предавнички напад“ и дека сторителите ќе бидат казнети.
