Од 1 декември 2025 година, движење на возила без возач ќе биде дозволено на јавните патишта во Германија. Возилата без возач ќе бидат со надзор на лице кое го контролира возилото од далечина, од специјално опремен центар. Станува збор за сосема нов модел – таканареченото „телевозење“, каде што операторот користи волан, педали и повеќе камери за да го контролира возилото преку стабилна интернет-врска, обично преку 5G мрежа.
Ова не е автономно возење, туку е човек кој вози, тој само не е физички присутен во возилото. Клучните одлуки не ги донесува вештачката интелигенција, туку жив човек.

Кој може да биде „телевозач“? Според правилата, тој мора да има најмалку 21 година, да има возачка дозвола стара најмалку три години и да помине специјализирана обука. Мора да биде во постојан работен однос – не се дозволени фриленсери. Секој оператор не смее да управува со повеќе возила во исто време  – пишува Каматица.

Во случај на исклучување, возилото е законски обврзано автоматски да застане безбедно. Возењето е можно само во однапред дефинирани и законски одобрени зони: индустриски зони, градски области, делови од сообраќајни патишта или затворени терминали. Максималната брзина е 70 км/ч, а на автопати до 80 км/ч.

За секое возило и за секоја зона мора да се издаде индивидуална дозвола – масовна регистрација не е можна. Првите пилот-проекти се веќе активни: електрични возила што самостојно ги собираат корисниците, шатл-транспорт помеѓу канцелариски згради, камиони што се маневрираат од далечина во пристаништа и логистички терминали.

Оваа транзициска фаза го комбинира технолошкиот напредок со безбедносната одговорност. Конечната евалуација се очекува до крајот на 2030 година.