На словенечкиот пазар на половни возила во моментов има забележителен пораст на побарувачката за одредени модели на половни возила кои комбинираат квалитет, доверливост и достапност. Во јануари 2025 година, во Словенија за прв пат се регистрирани 5.015 патнички возила, што претставува зголемување од 9,7% во споредба со јануари 2024 година. Најпродавани марки беа „фолксваген“ (832 возила) и „шкода“ (518).

„Во Словенија, се очекува трендот на продажба на нови возила да биде константен, што ќе има значително влијание на пазарот на половни возила. Зголемувањето на продажбата на нови возила значи дека ќе има поголем избор на пазарот на половни возила, бидејќи многу сопственици на нови автомобили ги продаваат своите стари возила како користени. Со поголема понуда на половни електрични возила што се продаваат од сопствениците поради намалената побарувачка за нови модели, купувачите ќе имаат пристап до овие возила по пониски цени. Популарноста на електричните и хибридните возила е зголемена, а онлајн продажбата е во пораст. Теренците сè уште се најпопуларни, додека лизингот е сè почест начин на купување, анализира Н1 Словенија.