Некогаш аудио-касетите беа неизоставен дел од секојдневието – се слушаа во автомобили, на вокмени и домашни музички уреди, се преснимуваа меѓу пријатели и внимателно се чуваа во пластични кутии.

Во осумдесеттите и деведесеттите години се продаваа во милионски тиражи, а ретко кој можеше да претпостави дека одредени изданија еден ден ќе станат вистински колекционерски богатства. Денес, во ерата на дигиталната музика и стриминг-платформите, некои ретки касети достигнуваат вртоглави суми на аукции.

1. „The Black Album“ – Принс
Албумот требало да биде објавен во 1987 година, но Принс го повлекол непосредно пред официјалното издание. Мал број промотивни примероци сепак протекле во јавноста.

Вредност: околу 5.000 долари, а еден примерок во 2017 година бил продаден за 8.750 долари.

2. „Licensed to Ill“ – Бисти Бојс
Првото издание од 1986 година денес е вистинска реткост меѓу колекционерите.

Вредност: до 1.500 долари ако е фабрички запечатено. Користени примероци достигнуваат од 25 до 50 долари.

3. „Deftones“ – Дефтонс
Само 15 примероци од оваа демо-касета биле произведени во 1992 година.

Вредност: еден примерок бил продаден во 2024 година за 5.000 долари.

4. „Ten“ – Прл Џем
Дебитантскиот албум со хитовите „Ивен флоу“ и „Блек“ стана култно издание.

Вредност: запечатените први изданија достигнуваат до 4.000 долари, додека сочуваните примероци се движат меѓу 400 и 700 долари.

5. „Illmatic“ – Нас
Еден од највлијателните хип-хоп албуми на сите времиња.

Вредност: до 900 долари за запечатена касета, околу 100 долари за користена.

6. „The Versace Experience – Prelude 2 Gold“ – Принс
Промотивна касета поделена на моден саем во Париз во 1995 година.

Вредност: околу 4.000 долари.

7. „Adult Diversion“ – Олвејс
Ретко издание објавено пред бендот да потпише договор со голема дискографска куќа.

Вредност: повеќе од 3.400 долари.

8. „Nevermind“ – Нирвана
Култен албум што ја одбележа музичката сцена во деведесеттите години.

Вредност: до 1.500 долари за запечатени примероци.

9. „Infinite“ – Еминем
Рани изданија од ограничен тираж денес се особено барани.

Вредност: колекционерски сетови се нудат за околу 2.000 долари.

10. „Phish“ – Фиш
Рана, самостојно објавена касета на бендот.

Вредност: примерок во многу добра состојба бил продаден во 2024 година за 1.200 долари.

11. „Man in the Mirror“ – Мајкл Џексон
Оригинална демо-касета од овој хит е исклучително ретка и високо ценета.

Проценета вредност: меѓу 30.000 и 50.000 долари.

12. „Xero“ – Линкин Парк
Ретко демо-издание од периодот пред светската слава на бендот.

Вредност: продадено за 4.500 долари.

13. „The man who sold the world“ – Дејвид Боуви
Британската верзија на овој албум е особено барана меѓу колекционерите.

Вредност: околу 200 долари во добра состојба.